ДҰБЫҒАЛЫ КӨЛІ

(мәтінді ұсынған Шығыс Қазақстан облыстық тарихи-өлкетану мұражайы)

Баяғы өткен заманда көлдің жағасында Қайрат есімді кедей шопан өмір сүрген деген аңыз бар. Қыстаудан отбасымен аш-жалаңаш осы көлдің жағасына жеткенде, оның аз ғана отар қойы мен екі жылқысы ғана болады. Алайда, көл жағасында өткен бір жаздан соң жігіт барлық ауруынан айығып, малы да көбейе бастайды. Күнделікті көлден су ішкен бір табын жылқысы күн сайын көбейе түседі. Көлдің емдік суы Қайратқа көмек беріп, көп ұзамай ол кедей шопаннан бақуатты байға айналады.